چین کے ہیلونسیانگ صوبے کے دو علاقوں میں طوفان خانون سے پیدا ہونے والی بارشوں میں اضافے کی وجہ سے سیلاب کے خطرے کے خلاف "ہنگامی” وارننگ جاری کر دی گئی۔
صوبائی موسمیاتی مرکز نے اطلاع دی ہے کہ صوبہ چیاموسی کے ضلع تانگیون ضلع اور چٹا ہی صوبے کےضلع بولی میں فی مربع میٹر بارش کی مقدار 100 ملی میٹر سے زیادہ ہونے کی توقع ہے۔
سیلاب کے خطرے کے پیش نظر دونوں خطوں میں ’ریڈ الرٹ‘ کا اعلان کیا گیا تھا۔ "ریڈ” چین کے 4 مرحلوں پر مشتمل سیلاب کی وارننگ سسٹم میں سب سے زیادہ الرٹ سطح کی نمائندگی کرتا ہے۔ اس کے بعد عجلت کی ترتیب میں "نارنجی”، "پیلا” اور "نیلا” الارم آتا ہے۔
شمال مشرقی صوبوں کوسب سےزیادہ متاثر کرنے والے طوفان خانون کی وجہ سےدریائے سونگھوا کے کچھ حصوں میں پانی کی سطح خطرناک حد تک بڑھ گئی ہے۔
ریاست میں بارش اور سیلاب سے اب تک 374,000 لوگ متاثر ہوئے ہیں،جبکہ ایک لاکھ 87 ہزار لوگوں کو محفوظ مقامات پر منتقل کیا گیا ہے۔
