ممبئی: بالی ووڈ اداکار اور بی جے پی رُکن سنی دیول اپنے ایک مداح سے بدتمیزی سے بات کرنے کی وجہ سے تنقید کی زد میں آگئے ہیں۔
بھارتی میڈیا کے مطابق سنی دیول اپنی فلم غدر 2 کی کامیابی پر خوشی سے پھولے نہیں سمارہے۔ حال ہی میں ایک ہوائی اڈے پر ایک مداح کو ڈانٹتے ہوئے ان کی ایک ویڈیو وائرل ہوئی جس پر انٹرنیٹ صارفین کی جانب سے کافی سخت تنقیدیں کی گئیں۔
ویڈیو میں سنی کو ہوائی اڈے پر تیز چلتے ہوئے دیکھا جا سکتا ہے جب ایک مداح سیلفی لینے کے لیے ان کے پاس پہنچا۔ اداکار رُک گئے لیکن جب مداح نے تصویر لینے میں زیادہ وقت لیا تو سنی اپنا صبر کھو بیٹھے اور چیخ کر کہا کہ سیلفی لو نہ۔
SRK is a 10x bigger star than him, never seen him behave with his fans like this.
Akshay Kumar is a 5x bigger star than him, never seen him behave like this either
The same goes for Salman, Ranbir and others.
Sunny Deol bhai, tere me kis baat ka ghamand hai? saalo baad ek… pic.twitter.com/Y94Fge2Lej
— Roshan Rai (@RoshanKrRaii) August 16, 2023
سوشل میڈیا پر صارفین نے اداکار کے اس ردِعمل پر منفی تبصرے کیے۔ ایک صارف کا کہنا تھا کہ سالوں میں ایک ہی فلم تو چلی ہے، تھوڑا عاجزی دکھاؤ۔ دوسرے صارف نے تنقید کرتے ہوئے کہا کہ گھُٹنے کے درد کی بیماری سنی تھی لیکن گھمنڈ کی بیماری آج دیکھی ہے۔ ایک اور صارف نے کہا کہ اس نے بی جے پی بھی تو جوائن کی ہے، اس کا بھی گھمنڈ ہوگا۔
دوسری جانب اداکار نے واقعے سے متعلق وضاحت کرتے ہوئے کہا کہ مسلسل سفر اور جسمانی تناؤ کا پریشر ہوتا ہے، مداحوں کو یہ بات سمجھ نہیں آتی۔ وہ توقع کرتے ہیں کہ مداح عوام میں ان کے ساتھ بات چیت کرتے ہوئے سمجھداری کا مظاہرہ کریں۔