اسلام آباد:پاکستان قومی کرکٹر ٹیم کے آل راونڈر عمادوسیم نے انٹرنیشنل کرکٹ سے ریٹائرہوگئے ہیں۔
سماجی رابطے کی ویب سائٹ پر ٹوئٹ کرتے ہوئے عمادوسیم کا کہنا ہے کہ پاکستان کی نمائندگی کوہمیشہ انجوائے کیا، کئی دن سوچ بچار کے بعد ریٹائرمنٹ کا فیصلہ کیا ہے، پی سی بی کا شکریہ ادا کرنا چاہتا ہوں جنہوں نے ہمیشہ سپورٹ کیامیرے لئے اعزاز کی بات ہے جو پاکستان کی نمائندگی کی۔
— Imad Wasim (@simadwasim) November 24, 2023
انہوں نے کہاکہ نئے کوچزاورنئی لیڈرشپ کے ساتھ یہ پاکستان کرکٹ کیلئے بڑھنے کا موقع ہے، میری نیک تمنائیں پاکستان ٹیم کے ساتھ ہیں،پاکستانی شائقین کرکٹ کا ہمیشہ سپورٹ کرنے کا شکریہ۔
واضح رہے کہ عماد وسیم نے55 ون ڈے اور66 ٹی ٹوئنٹی انٹرنیشنل میں نمائندگی کی، عماد وسیم نے ون ڈے میں44اور ٹی ٹوئنٹی میں65 وکٹیں حاصل کیں، عماد نے ون ڈے میں986اور ٹی ٹوئنٹی میں486 رنز اسکورکررکھے ہیں۔
