روالپنڈی:شمالی وزیرستان میں سکیورٹی فورسز کے آپریشن کے دوران فائرنگ کے تبادلے میں 2 دہشت گرد ہلاک ہوگئے۔
پاک فوج کے شعبہ تعلقات عامہ ( آئی ایس پی آر) کے جاری کردہ پریس ریلیز کے مطابق سیکورٹی فورسز کے آپریشن میں مارے گئے دہشت گردوں سے بھاری مقدار میں اسلحہ اور گولہ بارود برآمدہوا ہے۔
آئی ایس پی آر کا کہنا تھا کہ پاک فوج کے جوان ملک سے دہشت گردی کے خاتمے کے لیے پُر عزم ہیں، دہشت گردوں کے خاتمے کیلئے علاقے میں سرچ آپریشن جاری ہے، ملک کو بری نظر سے دیکھنے والوں سے سختی سے نپٹا جائے گا۔