ممبئی: بالی وڈ سپر اسٹار ہریتھک روشن نے انکشاف کیا ہے کہ وہ بلاک بسٹر فلم ’کہو نہ پیار ہے‘ کی شوٹنگ کے دوران ڈوبنے سے بال بال بچ گئے تھے۔
’کہو نہ پیار ہے‘ ہریتھک روشن اور امیشا پٹیل کی ڈیبیو فلم تھی اور یہ فلم باکس آفس پر بلاک بسٹر ثابت ہوئی۔
ایک انٹرویو میں اداکار نے بتایا کہ فلم کے ایک سین میں ہیرو موٹر سائیکل حادثے کا شکار ہوکر پل سے دریا میں جا گرتا ہے جس سے اس کی موت واقع ہوجاتی ہے۔
اداکار کے مطابق انہوں نے ایکشن سین کو خود کیا تھا اس کیلئے کسی باڈی ڈبل کی خدمت نہیں لی گئی اور انہیں 45 فٹ پانی کی گہرائی کے اندر تین گھنٹے تک رہنا پڑا تھا۔
