ترجمان دفتر خارجہ ممتاز زہرہ بلوچ نے کہا ہے کہ غزہ کی صورتحال پر عالمی برادری کی خاموشی سوالیہ نشان ہے۔
ترجمان دفترخارجہ ممتاز زہرا بلوچ نے ہفتہ وار میڈیا بریفنگ دیتے ہوئے کہا کہ اسرائیلی فورسزغزہ میں فلسطینیوں کی نسل کشی کررہی ہیں، پاکستان اسرائیلی قابض افواج کی 10 ستمبر کو غزہ کے المواصی کیمپ پر حملوں کی شدید مذمت کرتا ہے، اسرائیلی قابض افواج نہتے فلسطینیوں کو بربریت کا نشانہ بنارہی ہے۔
انہوں نے کہا کہ محفوظ پناہ گاہوں میں پناہ گزین فلسطینیوں کو نشانہ بنانا عالمی قوانین اور انسانی حقوق کی کھلی خلاف ورزی ہے، غزہ کی صورتحال پر عالمی برادری کی خاموشی سوالیہ نشان ہے ۔ پاکستان 7 ستمبر کو شام میں اسرائیل کی جانب سے حملوں کی مذمت کرتا ہے،
ترجمان دفترخارجہ کا کہنا تھا کہ بھارت میں کشمیریوں پرمظالم کاسلسلہ جاری ہے، بھارت مقبوضہ کشمیر میں انسانی حقوق کی خلاف ورزیاں کررہا ہے، بھارت مقبوضہ کشمیرمیں گرفتار تمام سیاسی رہنماؤں کو رہا کرے اور عالمی برادری کشمیر تنازع اقوام متحدہ کی قراردادوں کےمطابق حل کرنےمیں کردار ادا کرے۔ ،پاکستان کشمیریوں کی سیاسی اور اخلاقی حمایت جاری رکھے گا۔
انہوں نے کہا کہ پاکستان اور امریکا کے درمیان دیرینہ تعلقات ہیں، ڈونلڈ لو کے دورے پر کوئی تبصرہ نہیں کریں گے، کسی ملک کا دورہ دونوں ممالک کے ترجیحات کی بنیاد پر ہوتا ہے۔
