چیمپئنز ٹرافی 2025ء کے انتظامات کا جائزہ لینے کے لیے انٹرنیشنل کرکٹ کونسل کے وفد نے نیشنل اسٹیڈیم کراچی کا دورہ کرتے ہوئے انتظامات اور سیکیورٹی امور کا جائزہ لیا۔
ذرائع کے مطابق چھ ارکان پر مشتمل انٹرنیشنل کرکٹ کونسل کے وفد میں سینئر منیجر ایونٹس سارا ایڈگر، جنرل منیجر وسیم خان، سیکیورٹی منیجر ڈیوڈ مسکر ، براڈ کاسٹ کنسلٹنٹ منصور منج اور دیگر شامل تھے۔
دوسرے مرحلے میں وفد لاہور میں قذافی اسٹیڈیم اور پنڈی کرکٹ اسٹیڈیم کا بھی دورہ کرے گا۔ آئی سی سی کا وفد سیکیورٹی اور دیگر امور کا جائزہ لے گا اور یہ وفد اپنا دورہ مکمل کرنے کے بعد اپنی رپورٹ مرتب کرے گا ۔
یاد رہے کہ چیمپئنز ٹرافی 2025ء کیمیزبانی پاکستان نے کرنی ہے۔