مٹیاری (نمائندہ جسارت) گنجان آباد علاقے میر حسن میں گزشتہ ایک ہفتے سے پانی کی فراہمی بند ہونے کے باعث علاقہ مکین پریشانی اور اذیت میں مبتلا ہیں، شدید گرمی کے باعث ایک طرف پینے کا پانی نہیں تو دوسری جانب روزمرہ کے معمولات میں بھی شدید دشواری کا سامنا ہے۔ علاقہ مکینوں کے مطابق انہوں نے کئی مرتبہ ٹاؤن کمیٹی کے دفتر میں شکایت کی لیکن کوئی ازالہ نہ ہوا۔ معاملے کے حوالے سے مؤقف جاننے کے لیے جب چیئرمین ٹاؤن کمیٹی اور ٹاؤن افسر کو کال کی گئی تو انہوں نے کال وصول نہیں کی۔ علاقہ مکینوں نے ڈپٹی کمشنر سے معاملے کا نوٹس لینے کا مطالبہ کیا ہے۔