قتل کے مقدمے میں نامزد بنگلا دیش کرکٹ ٹیم کے سابق کپتان شکیب الحسن اپنے وطن روانہ ہوگئے ۔
غیر ملکی میڈیا کے مطابق وطن واپسی پر بنگلا دیش کرکٹ ٹیم کے سابق کپتان شکیب الحسن ڈائریکٹ ٹیم ہوٹل جائیں گے اور جمعے سے شیر بنگلا اسٹیڈیم میں ٹریننگ سیشن میں حصہ لیں گے۔
میڈیا رپورٹس کے مطابق شکیب الحسن جولائی کے بعد پہلی بار اپنے ملک واپس جائیں گے، اگست میں طلباء تحریک کے دوران ان کو قتل کے مقدمے میں نامزد کیا گیا تھا۔
جنوبی افریقا کے خلاف ہوم ٹیسٹ سیریز میں شکیب الحسن کی شرکت مشکوک تھی تاہم انہوں نے بنگلا دیش میں طلباء تحریک کے معاملے پر خاموشی اختیار کرنے پر معافی مانگی تھی، شکیب الحسن جنوبی افریقہ کیخلاف ہوم سیریز میں ریٹائرمنٹ کا اعلان کرنے کے خواہاں ہیں۔
شکیب الحسن کو حکومت کے اعلیٰ حکام کی جانب سے گرین سگنل دیا گیا جس کے بعد وہ جنوبی افریقا کے خلاف سیریز میں شرکت کریں گے۔
یاد رہے کہ بنگلا دیش اور جنوبی افریقا کے درمیان پہلا ٹیسٹ میچ 21 اکتوبر سے شروع ہو گا۔