اسلام آباد: وفاقی وزیر قانون اعظم نذیر تارڑ نے کہا ہے کہ پاکستان نے مختلف فورمز پر غزہ میں مظالم کیخلاف آواز اٹھائی، ریاستوں کو انسانیت کیخلاف جرائم پرعالمی عدالت کی جانب دیکھنا پڑتا ہے، عالمی مسائل کا حل مشاورت کے بغیر ممکن نہیں ہے۔
میڈیا سے گفتگوکرتے ہوئے وفاقی وزیر قانون نے کہاکہ پاکستان بنیادی انسانی حقوق اورعالمی امن واستحکام کے لیے کام کررہا ہے، اسمگلنگ، ایمگریشن، بچوں کے حقوق، بحری تحفظ پر آواز اٹھانے کی ضرورت ہے۔
انہوں نے کہاکہ پاکستان نے ہمیشہ امن واستحکام اوربنیادی حقوق کےلیے اقدامات کیے ہیں، کریمنل لا،موسمیاتی تبدیلی،جمہوریت اور قانون کی حکمرانی کے لیے متحرک ہیں۔