کنری (جسارت نیوز) قبول حق کا سفر جاری، اسلامی تعلیمات سے متاثر ہوکر ہندو بھیل قبیلے سے تعلق رکھنے والے میاں، بیوی نے نوجوان بیٹے سمیت اسلام قبول کر لیا۔ تفصیلات کے مطابق تعلقہ ٹنڈو باگو ضلع بدین کے گاؤں پیارو خان لوند کے رہائشی ہندو بھیل قبیلے کے 3 افراد ڈاڑھوں بھیل، اس کی بیوی سومرہ نے اپنے 32 سالہ بیٹے گلاب بھیل کے ہمراہ اسلامی تعلیمات سے متاثر ہو کر سجادہ نشین خانقائے عالیہ مجددیہ گلزار خلیل سامارو پیر محمد ایوب جان فاروقی سرہندی کے ہاتھ پر کلمہ پڑھ کر اسلام قبول کر لیا، اسلام قبول کرنے کے بعد نومسلموں کے اسلامی نام محمد علی، جنت اور غلام علی رکھے گئے ہیں۔ نو مسلموں کا کہنا تھا کہ خاندان نے بغیر کسی لالچ اور دباؤ اپنی مرضی اور رضا خوشی سے اسلامی تعلیمات سے متاثر ہوکر اسلام قبول کیا ہے۔ انہوں نے کہا کہ اللہ نے ہدایت کی روشنی سے منور کیا ہے، اپنے فیصلے پر مطمئن اور خوش ہیں، اب ہندو مذہب سے کوئی تعلق نہیں۔