ٹرمپ کی جیت اور کاملا کی شکست پر حامیوں کا ردِ عمل

امریکہ کے صدارتی انتخاب میں ری پبلکن امیدوار ڈونلڈ ٹرمپ کی کامیابی کے بعد ان کے حامیوں کی جانب سے جشن منایا گیا تو وہیں ان کے مدِ مقابل ڈیموکریٹ امیدوار کاملا ہیرس کی شکست پر ان کے حامی افسردہ نظر آئے۔ کاملا ہیرس نے بدھ کو واشگٹن ڈی سی کی ہوورڈ یونیورسٹی میں اپنے حامیوں سے خطاب کے دوران شکست کا اعتراف کیا۔ کاملا نے کہا کہ ہمیں انتخابات کے نتائج کو قبول کرنا چاہیے۔ امریکہ کے صدراتی الیکشن میں ڈونلڈ ٹرمپ مطلوبہ 270 الیکٹورل ووٹوں کا ہندسہ عبور کرچکے ہیں جب کہ دو ریاستوں نیواڈا اور ایریزونا کے نتائج آنا ابھی باقی ہیں۔