اسلام آباد: یوٹیلیٹی اسٹورز کارپوریشن (یو ایس سی) نے چینی کی قیمت میں کمی کردی ، اس سلسلے میں یو ایس سی نے نوٹیفکیشن جاری کر دیا ہے ۔
یوٹیلیٹی اسٹورز کی جانب سے جاری کردہ نوٹیفکیشن کے مطابق چینی کی قیمت میں 13 روپے فی کلو کمی کی گئی ہے۔
کمی کے بعد اب چینی کی نئی قیمت 140 روپے فی کلو گرام ہے جو پہلے 153 روپے تھی ۔ زرائع کے مطابق چینی کی قیمت میں کمی شوگر ملز مالکان کے ساتھ کیے گئے معاہدے کے بعد ممکن ہوئی ہے ۔
یاد رہے کہ گزشتہ چند ماہ قبل رینجرز نے کراچی میں چینی ذخیرہ اندوزوں کے خلاف کارروائی کرتے ہوئے کروڑوں روپے مالیت کی چینی قبضے میں لے لی تھی ۔
رینجرز کے ترجمان نے بتایا کہ بلدیہ ٹاؤن میں حب ریور روڈ پر چینی کے دو مختلف گوداموں پر چھاپے مارے گئے جہاں سے چینی کے تقریباً 140,000 تھیلے برآمد ہوئے تھے ۔