لاہور: پاکستان نے بلائنڈ ٹی 20 ورلڈکپ میں آنے سے انکار پر بھارت سے تحریری جواب طلب لیا۔
اس حوالے سے پاکستان بلائنڈ کرکٹ کونسل نے تشویش کا اظہار کرتے ہوئے کہا ہے کہ بھارت بلائنڈ کرکٹ ٹیم کے پاکستان نہ آنے پر تحریری جواب دے۔
پاکستان بلائنڈ کرکٹ کونسل کے چیئرمین سید سلطان شاہ کا کہنا ہے کہ بلائنڈ کرکٹ ورلڈ کپ کے شیڈول پہلے سے اعلان ہو چکا ہے، بھارت کے میچز میں مخالف ٹیموں کو واک اوور ملے گا، ورلڈ بلائنڈ کرکٹ کونسل بھارت کے حوالے سے اجلاس میں فیصلہ کرے گی۔
سلطان شاہ نے مزید کہا کہ مستقبل میں بھارت کو بھی انٹرنیشنل ایونٹ نہ دینے کا امکان ہے، ویمنز بلائنڈ ورلڈ کپ 2025 بھی بھارت میں شیڈول ہے، ویمنز ورلڈ کپ نیوٹرل وینیو پر کرانے کی بات کروں گا۔