وزیرِ اعلی خیبرپختونخوا علی امین گنڈاپور کا کہنا ہے کہ عمران خان اور دیگر قیدیوں کی رہائی اور مطالبات کی منظوری تک اسلام آباد میں رہیں گے۔
نجی ٹی وی سے گفتگو کرتے ہوئے وزیرِ اعلی خیبرپختونخوا علی اامین گنڈاپو نے کہا کہ وفاق حکومت ملک کو بلاک کر کے عوام کو تکلیف پہنچا رہی ہے ،میں اور پاکستان تحریک انصاف کے کارکن ہر صورت میں ڈی چوک پر پہنچیں گے۔
انہوں نے کہا کہ بانی پی ٹی آئی اپنی نہیں پاکستان کی جنگ لڑ رہے ہیں ،بانیٔ پی ٹی آئی کا جو حکم ملا ہے اس پر ہر صورت میں عمل کروں گا، ہمارا احتجاج پُرامن ہے۔
ان کا کہنا تھا کہ حکومت سے مذاکرات کا آغاز بانیٔ پی ٹی آئی کی رہائی کے بعد ہوگا ،ہم مطالبات کی منظوری کیلئے ہر حد تک جائیں گے ،میرا اختیار عمران خان کے پاس ہے جو وہ کہیں گے کروں گا۔