انسداد دہشت گردی عدالت نے ڈی چوک میں پی ٹی آئی کے احتجاج کے بعد گرفتار 17 مظاہرین کے مزید جسمانی ریمانڈ کی استدعا مسترد کرتے ہوئے انہیں جیل بھیج دیا۔
اسلام آباد انسداد دہشتگردی عدالت کے جج طاہر عباس سپرا کی عدالت میں ڈی چوک میں پی ٹی آئی کے احتجاج کے بعد گرفتار 17 گرفتار مظاہرین کو پیش کیا گیا۔
پراسیکیوٹر عاطف رانجھا کی جانب سے ملزمان کے مزید 20 دن کے جسمانی ریمانڈ کی استدعا کی گئی۔
ملزمان کے وکیل انصر کیانی نے جسمانی ریمانڈ کی مخالفت کر دی۔
پراسیکیوٹر نے کہا کہ ملزمان کا مجموعی طور پر 11 دن کا ریمانڈ ہوا ہے کچھ برآمدگیاں ہو چکی ہیں۔
عدالت نے ڈی چوک میں پاکستان تحریک انصاف کے احتجاج کے بعد گرفتار ملزمان کے جسمانی ریمانڈ کی استدعا مسترد کرتے ہوئے انہیں جوڈیشل ریمانڈ پر جیل بھیج دیا۔