معروف پاکستانی اداکار احسن خان کی بھارت کے لیجنڈری فلم و ڈرامہ مصنف اور شائع جاوید اختر سے دبئی میں ملاقات ہوئی ہے۔
یہ ملاقات دبئی میں ہونے والے ثقافتی فیسٹیول کے موقع پر ہوئی جس میں جاوید اختر نے پاکستانی اداکار کا پرتپاک استقبال کیا اور اُن کے لیے نیک خواہشات کا بھی اظہار کیا۔
ہر سال منعقد ہونے والے اس فیسٹیول میں عالمی فن و ادب کی خدمات کا اعتراف کیا جاتا اور جشن منایا جاتا ہے۔
احسن خان نے جاوید اختر سے ملاقات کی تصویر انسٹاگرام پر شیئر کی۔ جبکہ جاوید اختر نے پاکستانی اداکار کیلیے ایک شعر ’اُن کا کرم اُنکی محبت، کیا میرے نغمے، کیا میری ہستی، دعا گو جاوید اختر‘ تحریر کر کے دیا۔
اس بے ساختہ لمحے کو کیمرے میں قید کر لیا گیا، جس میں بھارتی شاعر جاوید اختر صوفے پر بیٹھے ہوئے ہیں اور احسن خان چاہیے پی رہے ہیں۔
یاد رہے کہ دبئی وہ مقام ہے جہاں پاکستانی اور بھارتی اسٹارز کی ملاقات ہوتی ہے۔ اس تصویر پر مداحوں نے خوشی اور محبت کا اظہار کیا۔