اسلام آباد: وزیر دفاع خواجہ محمد آصف نے کہا ہے کہ سول نافرمانی کے کوئی آثار نظر نہیں آ رہے۔
وزیر دفاع خواجہ آصف کا کہنا تھا کہ تحریک انصاف نے پہلے بھی تین بار سول نافرمانی کی کوشش کی، 2014 میں بھی بانی پی ٹی آئی نے بل جلائے تھے، لوگوں نے بل نہیں روکنے اس کے نتائج ہوں گے۔یہ بات انہوں نے میڈیا سے گفتگو کرتے ہوئے کہی۔
خواجہ آصف کا کہناتھا کہ مدارس کے معاملے پر ہماری ٹیم مولانا سے بات کر رہی ہے، ہمارے اور پیپلز پارٹی کے درمیان پہلے بھی اختلاف ہوئے اور حل ہو گئے، آگے بھی ہم ساتھ مل کر ہی چلیں گے۔