بورے والا (صباح نیوز) اسپیکر پنجاب اسمبلی محمد احمد خان نے کہا ہے کہ سیاسی معاملات ہمیشہ بات چیت سے حل ہوتے ہیں۔ اسپیکر پنجاب اسمبلی نے بورے والا میں میڈیا سے گفتگو کرتے ہوئے کہا کہ یہاں حادثہ یہ ہے کہ جرم کرنے کو سیاسی حق سمجھا جا رہا ہے، کسی کا گھر جلانا
توڑ پھوڑ کرنا کسی کا سیاسی حق نہیں ہو سکتا ہے۔ 9 مئی جیسے واقعات پاکستان کی تاریخ پر سیاہ دھبہ ہیں، 9 مئی کے واقعات پر جوڈیشل کمیشن بننا چاہیے تاکہ مجرموں کو کیفر کردار تک پہنچایا جاسکے۔