کندھکوٹ (نمائندہ جسارت) غوثپور انڈس ہائی وے بی سیکشن تھانے کی حدود دبئی ہوٹل کے مقام پر گاؤں سے شہر آنے والے موٹر سائیکل سوار عابد علی بھیو کو نامعلوم مسلح ڈاکوؤں نے روک کر اسلحے کے زور پر موٹرسائیکل چھیننے کی کوشش کی، نوجوان کی جانب سے مزاحمت کرنے پر ڈاکوئوں نے گولیاں چلا دیں جس کی وجہ سے نوجوان موقع پر ہی جاں بحق ہو گیا، اطلاع پر پولیس نے نوجوان کی لاش کو سول اسپتال پہنچایا، ضروری قانونی کاغذی کارروائی کے بعد لاش ورثاء کے حوالے کر دی گئی، واقعے کے بعد پولیس نے کوئی کارروائی نہیں کی،آخری اطلاع تک پولیس مذکورہ واقعے کا مقدمہ درج نہ کر سکی۔