لاہور(اسپورٹس ڈیسک)پاکستان سپر لیگ کے دسویں ایڈیشن کے لیے دنیائے کرکٹ کے بڑے ناموں کی رجسٹریشن کا سلسلہ جاری ہے۔ آسٹریلیا کے ڈیوڈ وارنر نے پہلی بار پاکستان سپر لیگ 2025 کیلیے اپنی دستیابی کا اعلان کرتے ہوئے پلیئرز ڈرافٹ کیلییرجسٹریشن کرالی۔نیوزی لینڈ کے ٹم ساتھی بھی پاکستان سپر لیگ کیلئے رجسٹریشن کراچکے ہیں۔اس کے علاوہ آسٹریلیا کے ٹیسٹ وکٹ کیپر ایلکس کیری بھی پاکستان سپر لیگ کے دسویں ایڈیشن میں ایکشن میں دکھائی دے سکتے ہیں ۔واضح رہے کہ پاکستان سپر لیگ کا پلیئرز ڈرافٹ 11 جنوری کو ہوگا۔ پی ایس ایل کا دسواں ایڈیشن اپریل میں ہوگا۔