لندن (اسپورٹس ڈیسک)برٹش جونیئر اوپن اسکواش ٹورنامنٹ میں پاکستان کے سہیل عدنان کوارٹر فائنل میں پہنچ گئے۔انڈر 13کیٹیگری کے پری کوارٹر فائنل میں سہیل عدنان نے ملائیشیا کے وائین آئزیک ولسن کو شکست دی۔سہیل عدنان نے مقابلہ 4-11، 7-11 اور 5-11 سے اپنے نام کیا ۔ اس سے قبل سہیل نے پہلے رائونڈ میں جرمنی کے میٹس اولیور اور دوسرے رانڈ میں اسکاٹ لینڈ کے کیلم اسمتھ کو شکست دی تھی۔برٹش جونیئر اسکواش میں دیگر پاکستانی کھلاڑی کوئی خاطر خواہ کارکردگی کا مظاہرہ نہ کرسکے۔