اسلام آباد(اسپورٹس ڈیسک )پاکستان فٹ بال فیڈریشن کی نارملائزیشن کمیٹی نے چار ڈیپارٹمنٹس کی پی ایف ایف کانگریس کی رکنیت بحال کر دی۔ پی ایف ایف کی ڈسلپنری کمیٹی کے مطابق 19 نومبر کو منعقدہ کانگریس کے آخری اجلاس میں شرکت سے انکار کرنے والے چار محکموں ایر فورس، پولیس، ریلوے اور بحریہ کے ووٹنگ راٹس ان محکموں کی جانب سے جمع کروائی گئی اپیل کے کا جائزہ لینے کے بعد بحال کیے گئے ۔ محکموں کو اگلے مہینے کے شروع میں ہونے والے پی ایف ایف انتخابات میں اپنا ووٹ ڈالنے کی بھی اجازت دی گئی ہے۔