ڈی آئی خان:خیبر پختونخوا ( کے پی کے )میں ضلعی انتظامیہ نے کرم اور پارا چنار کے لیے 100 گاڑیوں پر مشتمل سامان رسد کا ایک بڑا قافلہ روانہ کرنے کا فیصلہ کیا ہے، امکان ہے کہ کل تک قافلہ روانہ ہوجائے۔
میڈیا رپورٹس کے مطابق ضلع ہنگو تورپل سے کرم کے لیے بڑا قافلہ بھیجنے کی تیاری جاری ہے، امدادی کے قافلے کے علاوہ متاثرین کو نقد رقم بھی دی جائے گی، قافلے کی حفاظت پولیس اور ضلعی انتظامیہ کر رہی ہے جب کہ سکیورٹی فورسز بھی معاونت کے لیے ہمہ وقت موجود ہیں۔
حکومتی ترجمان کاکہنا تھا کہ قافلے میں آٹا، چینی، پھل، سبزیاں، ادویات اور دیگر سامان شامل ہے، اس کے علاوہ سردی سے بچنے کےلیے گرم کپڑے اور لحاف بھی موجود ہیں۔
خیال رہےکہ سیکورٹی فورسز کی جانب سے کرم میں بنکرز کی مسماری گزشتہ 3دن سے جاری ہے، جس پر علاقہ مکینوں احتجاج کرتے ہوئے نقل مکانی شروع کردی تھی۔