وفاقی وزیر منصوبہ بندی احسن اقبال کا کہنا ہے کہ سیاسی نفرت سے پاکستان بدنام ہو رہا ہے ،نفرت پر مبنی سیاست کا خاتمہ ضروری ہے۔
برمنگھم میں تقریب سے خطاب کرتے ہوئے وفاقی وزیر منصوبہ بندی احسن اقبال نے کہا کہ پاکستان کو بڑی معاشی طاقت بنائیں گے، مضبوط معیشت ہی کسی بھی ملک کی سلامتی کی ضامن ہے۔
ان کا کہنا تھا کہ پاکستان کو مشکلات سے نکالنے کے لیے ہمیں متحد ہو کر کام کرنے کی ضرورت ہے۔
احسن اقبال نے کہا کہ اقتصادی میدان میں پاکستان اڑان بھر رہا ہے،علم و ٹیکنالوجی ہی دنیا کی اصل طاقت ہے۔
انہوں نے مزید کہا کہ معاشرے میں سیاسی نفرت کا خاتمہ صرف باہمی اتحاد اور یک جہتی سے ہی ممکن ہے، اوور سیز کمیونٹی کو ذمے دارانہ سوچ کو فروغ دینا چاہیے ۔