مارننگ شو کی معروف میزبان ندا اور ان کے شوہر ڈائریکٹر یاسر نواز نے اپنے شوبز کیریئر کے حوالے سے ایک اہم اعلان کیا ہے۔
سوشل میڈیا پر وائرل ہونے والی اس پوسٹ میں شوبز انڈسٹری کی مشہور جوڑی ندا اور یاسر نے اپنے ایک خاص پراجیکٹ کے بارے میں بتایا۔
شوبز جوڑی نے اعلان کیا کہ رمضان اسپیشل ڈرامہ’ہونا تھا پیار‘ ریلیز کر رہے ہیں۔ جسے مداح کسی ٹی وی چینل پر نہیں بلکہ ہمارے یوٹیوب چینل پر دیکھ سکیں گے۔
ندا یاسر نے بتایا کہ یہ ڈراما یکم رمضان سے رات 8 بجے ہمارے یوٹیوب چینل ’فرید نواز پروڈکشنز‘ پر نشر کیا جائے گا۔
ڈائریکٹر یاسر نواز نے کہا کہ ہم نے اپنا کام کردیا ہے اب آپ لوگوں کا کام ہے کہ آپ ڈراما دیکھیں اور اپنا ردِعمل دیں۔