ریاض : سعودی عرب کے مختلف علاقوں میں موسلا دھار بارشوں کے باعث اسکول اور کالجز بند کر دیے گئے، آن لائن کلاسز شروع کردی گئیں۔
میڈیا رپورٹ کے مطابق سعودی عرب کے مشرقی صوبے، الباحہ اور عسیر میں مسلسل موسلا دھار بارشوں کے باعث اتوار کو کلاسز معطل رہیں۔
ذرائع کے مطابق موسمی الرٹ کے پیش نظر اسکولوں میں تدریسی عمل “مدرستی” پلیٹ فارم کے ذریعے آن لائن جاری رہا، دمام، خُبر، قطیف، جبیل، رأس تنورہ اور الاحساء کے تعلیمی اداروں میں آن سائٹ کلاسز بند رہیں۔
ادھرالباحہ اور عسیر کی متعدد جامعات نے بھی آن سائٹ کلاسز روک کر آن لائن تعلیم کا آغاز کردیا، تعلیمی اداروں سے متعلق اہم فیصلے نیشنل سینٹر فار میٹرولوجی کی رپورٹ پر کیے گئے۔
