بھارت میں آلودہ دریا کی صفائی کرنے والے معروف سوشل میڈیا انفلوئنسر بٹو تباہی جلد کی مسائل کا شکار ہو گئے۔
بھارتی ریاست مدھیہ پردیش میں دریائے اجنار کی صفائی میں مصروف بٹو تباہی، جن کا اصل نام سریندر سنگھ چوہدری ہے، نے انسٹاگرام پر اپنی متاثرہ جلد کی ویڈیو شیئر کی۔
ویڈیو میں ان کے ہاتھوں اور ٹانگوں کی جلد اترتی دکھائی دے رہی ہے۔ آلودہ پانی اور کچرے سے مسلسل رابطے کے بعد انہیں یہ مسائل پیش آئے۔
View this post on Instagram
بٹو تباہی اس سے قبل ربڑ کے دستانوں اور جوتوں سمیت بنیادی حفاظتی سامان کے ساتھ دریا کی صفائی کرتے رہے ہیں۔
ویڈیو سامنے آنے کے بعد صارفین نے ان کی کوششوں کو سراہتے ہوئے انہیں فوری طبی معائنہ کرانے اور صفائی کے دوران بہتر حفاظتی لباس استعمال کرنے کا مشورہ دیا۔
