لاہور (آن لائن) گلوکار ابرارالحق اپنے نئے گانے ’’چمکیلی‘‘ کا دفاع کرنے کے لیے آج عدالت میں پیش ہوں گے۔ ’’چمکیلی‘‘ کے خلاف سول کورٹ میں پٹیشن دائر کی گئی تھی جس میں موقف اختیار کیا گیا تھا کہ گانے کی شاعری میں ایسے الفاظ استعمال کیے گئے ہیں جن سے مردوں کی تضحیک ہوتی ہے جبکہ خواتین کے حوالے سے بھی الفاظ مناسب نہیں ہیں۔ پٹیشن پر سول جج محمد ضیاالرحمن نے آج ابرارالحق کو طلب کیا تھا، وہ آج اپنے وکیل کے ہمراہ عدالت میں پیش ہوں گے، ابرارالحق کا کہنا ہے کہ وہ عدالت کو مطمئن کرلیں گے کہ گانے میں کچھ بھی غلط نہیں ہے۔
