کراچی (اسٹاف رپورٹر) کراچی سندھ تاجر اتحاد کے چیئرمین شیخ حبیب کی قیادت میں اہم اجلاس منعقد ہوا جس میں کراچی بھر سے KSTI تمام علاقائی صدور سمیت مرکزی عہدیداروں اور دیگر ممبران نے شرکت کی۔ اجلاس میں مارکیٹوں کے نئے نظام الاوقات کے حوالے سے اہم فیصلے کیے گئے جس میں اتفاق رائے سے طے کیا گیا کہ موجودہ کاروباری و ملکی معاشی حالات کے پیش نظر فی الوقت دکانوں کے نظام الاوقات کو تبدیل کرنا کسی طور پر بھی مناسب نہیں ہوگا۔
