ہماچل پردیش میں بھارتی فوج کی کارروائی‘ 6 ناگا باغی ہلاک

شملہ (انٹرنیشنل ڈیسک) بھارتی ریاست ہماچل پردیش میں میانمر کی سرحد کے قریب بھارتی فوج کی کارروائی میں 6ناگا باغی ہلاک ہو گئے۔ خبررساں اداروں کے مطابق ہفتے کی صبح ناگاباغیوں اور سیکورٹی فورسز کے درمیان کئی گھنٹوں تک جھڑپیں جاری رہیں۔ ہماچل پردیش میں گھنے جنگلات میں پولیس اور نیم فوجی دستوں نے جنگجو باغیوں کے ٹھکانے کی جانب پیش قدمی کی تو انہوں نے فائرنگ شروع کردی۔ کارروائی کے دوران ایک سیکورٹی اہل کار کے زخمی ہونے کی بھی اطلاعات ہیں۔