مقبوضہ کشمیر میں قابض بھارتی فوج نے 60 سالہ بزرگ کشمیری کو شہید کردیا۔
کشمیری میڈیا کے مطابق بھارتی فوج نے بارامولہ میں ملٹری آپریشن کی آڑ میں بزرگ کشمیری کو شہید کیا۔
دوسری جانب حریت رہنما مقبول بٹ کی37ویں برسی پر مقبوضہ وادی میں مکمل ہڑتال ہے۔
مقبوضہ وادی میں بھارتی فورسز کی بھاری نفری تعینات ہے جبکہ سڑکیں بند ہیں۔
کشمیری میڈیا کا کہنا ہے کہ ہڑتال کی اپیل آل پارٹیز حریت کانفرنس کی جانب سے کی گئی۔
واضح رہے کہ کشمیری رہنمامقبول بٹ کو11فروری کو دلی کی تہاڑ جیل میں پھانسی دی گئی تھی۔
منبع: ایکسپریس نیوز
