پاکستان کی مقبوضہ کشمیر میں بھارتی قابض افواج کے کریک ڈاؤن کی مذمت

اسلام آباد: پاکستان نے مقبوضہ کشمیر میں بھارتی قابض افواج کے کریک ڈاؤن کی شدید الفاظ میں مذمت کی ہے۔

ترجمان دفتر خارجہ نے اپنے بیان میں کہا ہے کہ مقبوضہ کشمیر میں کشمیریوں کے ماورائے عدالت قتل کی مذمت کرتے ہیں، گزشتہ 2 ماہ میں بھارتی قابض افواج نے 35 کشمیریوں کو شہید کیا، سری نگر میں 24 نومبر کو  جعلی مقابلے میں 3 کشمیریوں کو شہید کیا گیا۔

ترجمان نے کہا کہ بھارتی قابض افواج کشمیریوں کے خلاف سنگین جرائم کا ارتکاب کر رہی ہیں، بھارتی قابض افواج کی انسانی حقوق کی سنگین خلاف ورزیوں کے ثبوت فراہم کیے۔

دفتر خارجہ نے مطالبہ کیا ہے کہ عالمی برادری مقبوضہ کشمیر میں انسانی حقوق کی سنگین خلاف ورزیوں پر بھارت کو جوابدہ بنائے، مقبوضہ علاقے میں بگڑتی ہوئی صورتحال خطے میں امن و سلامتی کے لیے خطرہ ہے۔

 

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

ٹیلی گرام کے ذریعے خبریں اپنے موبائل پر حاصل کرنے کے لیے کلک کریں

القمرآن لائن کے ٹیلی گرام گروپ میں شامل ہوں اور تازہ ترین اپ ڈیٹس موبائل پر حاصل کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں