رکن قومی اسمبلی محسن داوڑ کو بیرون ملک جاتے ہوئے اسلام آباد ائیر پورٹ پر روک لیا گیا۔ تاجکستان میں ہیرات سکیورٹی ڈائیلاگ میں شرکت کے لیے جا رہے تھے۔ ایف آئی اے کی جانب سے محسن داوڑ کو اسلام آباد ائیرپورٹ پر روکا گیا۔
محسن داوڑ کا کہنا ہے میرا نام کابینہ نے 2 ماہ کے لیے ای سی ایل سے نکالا ہوا ہے۔ میں جا رہا تھا مجھے روک دیا گیا، محسوس ہوا انہیں پہلے سے اطلاع دی گئی تھی۔ کاؤنٹر پر پہنچا تو بتایا گیا کہ نام ای سی ایل میں ہے۔ میں نے بتایا کہ کابینہ نے میرا نام ای سی ایل سے نکال دیا ہے مجھے بتایا گیا کہ فون آیا ہے کہ مجھے نہیں جانے دینا۔
