الیکشن کمیشن آف پاکستان نے خیبر پختونخوا حکومت کی جانب سے بلدیاتی انتخابات کے لیے 180 دن کی مہلت کی درخواست مسترد کر دی ہے۔
صوبائی حکومت نے مؤقف اختیار کیا تھا کہ انتخابات سے قبل نئی قانون سازی، موسمی و انتظامی مسائل اور امن و امان کی صورتحال کے باعث مزید وقت درکار ہے۔
تاہم الیکشن کمیشن نے اپنے فیصلے میں واضح کیا کہ حلقہ بندیوں کے عمل کے لیے صوبائی حکومت سے مشاورت ضروری نہیں، جبکہ موسم اور سکیورٹی خدشات کو بنیاد بنا کر تاخیر کرنا قابل قبول نہیں۔
الیکشن کمیشن کے مطابق صوبائی حکومت کی جانب سے پیش کیا گیا مؤقف غیر تسلی بخش ہے، اس لیے مہلت دینے کی درخواست منظور نہیں کی جا سکتی۔
