پاکستان نے مقامی ڈریجنگ صلاحیتوں کو فروغ دینے کے لیے نیشنل ڈریجنگ اینڈ میرین سروسز (NDMS) کمپنی قائم کر دی ہے۔
یہ مشترکہ منصوبہ نیشنل لاجسٹکس کارپوریشن (NLC)، کراچی پورٹ ٹرسٹ (KPT)، پورٹ قاسم اتھارٹی اور گوادر پورٹ اتھارٹی کے تعاون سے شروع کیا گیا ہے۔
مقامی سطح پر ڈریجنگ کی سہولت دستیاب ہونے سے غیر ملکی کمپنیوں پر انحصار کم ہوگا جبکہ قیمتی زرمبادلہ کی بھی نمایاں بچت متوقع ہے۔
ڈریجنگ آپریشنز کے ذریعے پورٹ قاسم کو بغیر کسی تعطل کے مکمل طور پر فعال رکھنے میں مدد ملے گی اور سمندری نقل و حمل کا نظام مزید مؤثر بنایا جا سکے گا۔
