کراچی کے علاقے کلفٹن میں ٹرک ڈرائیور نے ٹریفک پولیس کے روکنے پر فرار ہونے کی کوشش کرتے ہوئے پولیس کی گاڑی کو ٹکر مار دی۔
واقعے کی ویڈیو ایک شہری نے اپنے موبائل فون سے بنائی، جو سوشل میڈیا پر سامنے آگئی۔
ویڈیو میں دیکھا جا سکتا ہے کہ ٹرک ڈرائیور پولیس سے بچنے کے لیے بار بار ٹریفک پولیس کی گاڑی کو ٹکر مارتا ہے جس کے نتیجے میں پولیس کی گاڑی فٹ پاتھ پر چڑھ جاتی ہے۔
ٹرک والے نے ٹریفک پولیس کی گاڑی آڑا کر رکھ دی!
عوام کا قانون سے یقین ہی اٹھ گیا ہے! pic.twitter.com/IgmAtj9KrH
— ZEShan ⚫ (@zeshmohmand) November 17, 2026
تاہم ٹریفک پولیس اہلکار نے ہمت نہ ہاری اور گاڑی کو دوبارہ سڑک پر لا کر ٹرک کا تعاقب جاری رکھا۔
واقعے کے بعد ٹرک ڈرائیور کی گرفتاری یا اس کے خلاف قانونی کارروائی سے متعلق تفصیلات تاحال سامنے نہیں آئیں۔