پاک سرزمین پارٹی نظام کی تبدیلی کیلئے جدوجہد کررہی ہے ٗ اسٹوڈنٹس کے وفد سے بات چیت
کراچی(اسٹاف رپورٹر) پاک سرزمین پارٹی کے چیئرمین سید مصطفی کمال نے کہا ہے کہ کراچی پی ایس پی سیاست برائے سیاست نہیں کررہی بلکہ نظام کی تبدیلی کی جدوجہد کررہی ہے اور ہم ایسے معاشرے کا قیام عمل میں لانا چاہتے ہیں کہ جہاں غریب اور امیر طلباء و نواجوں کو تعلیم روزگار کے یکساں مواقع میسر ہوں تعلیم ایک ایسی طاقت اور قلم ایک ایسا ہتھیار ہے جو پاکستان سمیت دنیا کو بدلنے کی صلاحیت رکھتا ہے کیوں کہ آج کے طلباء ہی کل پاکستان اور عوام کی عملی خدمت کرنی ہے۔ ان خیالات کااظہار انہوں نے پی ایس کے مرکزی دفتر میں اسٹوڈنٹس فیڈریشن آف پاکستان کے عہدیداروں سے ملاقات کے دوران گفتگو کرتے ہوئے کیا۔ سید مصطفی کمال نے کہا کہ نوجوان طلباء کو پی ایس پی کی شکل میں ایک ایسا پلیٹ فارم مہیا ہوا ہے جس میں شامل ہو کر عوام ‘ طلباء پاکستان کی ترقی وخوشحالی میں اہم کردار ادا کرسکتے ہیں۔ انہوں نے کہا کہ طلباء پاک سرزمین پارٹی کے نظریہ‘ فکر و فلسفہ اور منشور کو ہر خاص و عام میں پھیلانے میں اپنا بھر پور کردار اد ا کریں۔