بھارت میں خلا باز راکیش شرما پر فلم بنائی جارہی ہے
فلم ’’سیلوٹ‘‘ ابھی تک سائن نہیں کی ہے، کنگ خان
ممبئی(نیوز ڈیسک) اداکارہ شاہ رخ خان سے فلمسازوں نے پہلے بھارتی خلاء باز راکیش شرما کی زندگی پر بننے والی فلم ’’سلیوٹ‘‘ کیلئے رابطے بڑھا لئے۔ بھارتی میڈیا کے مطابق اس سلسلے میں اداکار شاہ رخ خان نے حالیہ انٹرویو میں کہا ہے کہ انہوں نے ابھی تک فلمساز رونی اسکریو والا اور سدھارتھ رائے کپور کی پہلے بھارتی خلاء باز راکیش شرما کی زندگی پر بننے والی فلم ’’سلیوٹ‘‘ سائن نہیں کی ہے کیونکہ وہ ابھی فلم ’’زیرو‘‘ پر اپنی بھرپور توجہ مرکوز کرنا چاہتے ہیں، فلم ’’سلیوٹ‘‘ کیلئے رونی اسکریو والا اور سدھارتھ رائے کپور کے ساتھ بات چیت جاری ہے، میں نے دیگر بہت سے ہدایتکاروں اور پروڈیوسرز کے ساتھ بھی ملاقاتیں کی ہیں لیکن میں نے ابھی تک کسی فلم کیلئے کوئی فیصلہ نہیں کیا ہے۔