نئی دلی: نامور بالی ووڈ اداکارہ اوربھارتی سیاسی جماعت کانگریس کی رکن ارمیلا ماٹونڈ کر کو کشمیریوں کے حق میں آواز اٹھانے پر بھارتیوں نے غدار قرار دے دیا۔
بھارت میں یہ روایت عام ہے کہ اگرکوئی اداکاریا اداکارہ پاکستان کی حمایت میں یا کشمیر میں ہونےوالے ظلم کے خلاف آواز اٹھاتا ہے تو اسے فوراً غدار قرادے دیاجاتا ہے جس کی کئی مثالیں موجود ہیں اور اب سچ بولنے پر اداکارہ ارمیلا ماٹونڈ کر بھارتیوں کے غصے کا شکار ہوئی ہیں۔
اس خبرکوبھی پڑھیں: کشمیریوں سے غیر انسانی سلوک؛ ارمیلا مودی سرکار پر برس پڑیں
نامور بھارتی اداکارہ اور سیاست دان ارمیلا ماٹونڈ کر نے دوروز قبل مقبوضہ کشمیر میں ہفتوں سے جاری کرفیو اورلاک ڈاؤن کے خلاف آواز اٹھاتے ہوئے مودی حکومت کو شدید تنقید کا نشانہ بنایاتھا۔ جب کہ ا س سے قبل انہوں نے اپنے ٹوئٹ میں بھی مودی سرکار کو بے نقاب کرتے ہوئے کہا تھا کہ حکومت مقبوضہ جموں کشمیر میں سب کچھ اچھا ہے دکھانے کی بھرپور کوشش کررہی ہے، لیکن آرٹیکل 370 کی منسوخی کے ساتھ کشمیر کے بہتر مستقبل کی باتیں، مقامی افراد اور کشمیری قیادت پر تشدد کب ختم ہوگا؟۔
ارمیلا کے اس ٹوئٹ نے بھارتی صارفین کو آگ بگولہ کردیا اور وہ حسب روایت اداکارہ پر چڑھ دوڑے۔ ویبھو نامی صارف نے ارمیلا کو شدید تنقید کا نشانہ بناتے ہوئے انہیں غدار قرار دیتے ہوئے کہا ارمیلا تمہیں شرم آنی چاہئیے۔ افسوس ہوتا ہے کہ تم جیسے لوگ ہمارے ملک میں موجود ہیں جو مقبولیت حاصل کرنے کے لیے کچھ بھی کہتے ہیں۔ میری بات یاد رکھنا یہ سب تمہارے ہی خلاف جائے گا اور لوگ تمہیں ووٹ نہیں دیں گے۔
Absolute shame on you Urmila. You are another anti national who is talking against scrapping 370. It’s sad to have people like you in country who can say such things to get popularity. However note this is actually going to go against people wishes and they will never vote you.
— Vibhav Chavan (@vibhavbc) August 29, 2019
ایک اور صارف نے اپنا غصہ نکالتے ہوئے ارمیلا کو ناکام اداکارہ قرار دیا اور کہا کہ حکومت کے ہر اقدام میں اس کی حمایت کرو۔
A lost MP from Mumbai and flop actress… Please support government in the good cause…..
— Ashwin Kanjan (@kanjan_ashwin) August 24, 2019
تاہم کچھ لوگوں نے ارمیلا کو سراہتے ہوئے کہا ایک غیر مسلم اداکارہ کشمیر کے معاملے پر جرات و بہادری دکھارہی ہے جب کہ مسلمان اداکار شاہ رخ خان اس وقت کہاں ہیں؟
A non Muslim actress is showing some courage on kashmir
And the muslim SHAH RUKH…… Where is he??— Sarfraz Chaudry (@kaifchaudry1) August 24, 2019
یاد رہے کہ ارمیلاعیدالاضحیٰ کے موقع پر کشمیر میں ہی موجود تھیں جہاں انہوں نے بھاری دل کے ساتھ کشمیریوں کو عید کی مبارک دیتے ہوئے دعا کی تھی کہ کشمیری جلد ہی اندھیرے اورتشدد بھرے ماحول سے باہر نکل آئیں۔ جس پر ایک صارف نے انہیں ’’آدھا پاکستانی‘‘قرار دے دیاتھا۔
Spoken like a Half-Pakistani.
— Jack Sparrow (@PartyVillage017) August 12, 2019