کابل (مانیٹرنگ ڈیسک) افغان حکومت نے پاکستان کے دورے پر آئے ہوئے طالبان کے وفد کو دیے گئے پروٹوکول پر تشویش کا اظہار کرتے ہوئے کہا ہے کہ اس طرح کے دورے افغان امن عمل کے لیے سودمند ثابت نہیں ہوسکتے۔ افغان صدارتی محل کے ترجمان نے پریس کانفرنس کرتے ہوئے کہاکہ طالبان ایک شدت پسند گروہ ہے اور ان کا اس طرح استقبال کرنا ملکوں کے درمیان سفارتی اصولوں کی خلاف ورزی ہے، صدارتی ترجمان نے مزید کہاکہ پاکستان کے وزیر خارجہ نے پروٹوکول کے ساتھ ان کا استقبال کیا، ایک ایسے گروہ کا جو آج بھی تشدد پسند ہیں یہ ملکوں کے درمیان سفارتی اصولوں کی خلاف ورزی ہے۔
