کراچی( اسٹاف رپورٹر) معروف اداکار حمزہ علی عباسی نے جمعیت علمائے اسلام (ف) کے سربراہ مولانا فضل الرحمن کے حکومت مخالف دھرنے کی مخالفت کرتے ہوئے اسے گناہ قرار دیدیا۔ حمزہ علی عباسی نے سماجی رابطے کی ویب سائٹ ٹوئٹر پر کہا کہ افسوس کی بات ہے کہ فضل الرحمن ناموس رسالت اور کشمیر جیسے حساس مسئلے کو استعمال کررہے ہیں تاکہ لوگ ان کی باتیں سن کر اشتعال میں آجائیں آخر کیوں؟ اداکار نے تنقید کرتے ہوئے کہا کہ فضل الرحمن اقتدار میں حصہ چاہتے ہیں اس کے باوجود جانتے بوجھتے ہوئے بھی لوگوں کو گمراہ کرنا اللہ پاک کے نزدیک بہت بڑا گناہ ہے۔
