کراچی (اسٹاف رپورٹر) چیئرمین نیب جسٹس جاوید اقبال کی ہدایات پر ڈی جی نیب کراچی نے آج بروز جمعرات نیب کراچی آفس میں شیڈول کے تحت کھلی کچہری کا اہتمام کیا ہے۔ ڈی جی نیب بریگیڈیئر (ر) فاروق ناصر اعوان و دیگر متعلقہ افسران کرپشن کے متعلق عوامی شکایات وصول کریں گے۔ عوام اپنی شکایات نیب آفس کراچی میں صبح 11 بجے تا ایک بجے تک درج کرا سکتے ہیں۔ عوام اپنی شکایات شواہد کے ساتھ ای میل ایڈریس پر ارسال یا بذریعہ فون بھی رجسٹرڈ کروا سکتے ہیں۔ sindh@nab.gov.pk اور فون نمبر 021-111-622-622 فیکس 021-99207949 ہے۔