مقبوضہ بیت المقدس (انٹرنیشنل ڈیسک) اسرائیلی فوج نے مقبوضہ مغربی کنارے کے جنوبی شہر بیت لحم میں فلسطینیوں کی ریلی پرآنسوگیس کی شیلنگ اور براہ راست فائرنگ کردی، جس کے نتیجے میں 30 فلسطینی زخمی ہوگئے۔ ہلال احمرفلسطین کے مطابق بیت لحم کے شمالی داخلی راستے ہونے والے مظاہرے پر اسرائیلی فوج کی طرف سے آنسوگیس کی بے دریغ شیلنگ کی گئی۔ ہلال احمر کے ترجمان کا کہنا تھا کہ اسرائیلی فوج کے ساتھ جھڑپوں میں زخمی ہونے والوں کو موقع پر طبی امداد فراہم کی گئی، جب کہ چند افراد کو اسپتال بھی منتقل کیا گیا۔