کوئٹہ(صباح نیوز)پاکستان میں ٹماٹر کے دام گرنے کے آثارنظر آنے لگے، ایران سے 4 ٹرالر ٹماٹروں کی بھاری کھیپ لے کر کوئٹہ اور 9ٹرالر پاک ایران سرحدی شہر تفتان پہنچ گئے۔کسٹم حکام کے مطابق ایران سے آنے والے ٹرالروں میں مجموعی طور پر 4 ہزار 500 میٹرک ٹن ٹماٹر لدا ہوا ہے، ٹماٹر کوئٹہ سے تعلق رکھنے والی 7 نجی کاروباری کمپنیوں نے درآمد کیے ہیں جنہیں کراچی اور پنجاب سمیت ملک کے مختلف حصوں میں فروخت کے لیے بھیجا جائیگا ۔دوسری جانب سوات کے ٹماٹروں کی فراہمی شروع ہوگئی۔زرعی ماہرین کاکہناہے کہ سوات میں 500ہزار ایکٹر زمین پر ٹماٹر کی فصل اگائی جاتی ہے، ہر سال سوات میں51 ہزار میٹرک ٹن ٹماٹر کی پیداوار ہوتی ہے۔سوات میں ٹماٹر کے زیادہ تر باغات بریکوٹ اور شموزئی کے مقام پر دریائے سوات کے کنارے واقع ہیں،آج کل یہاں کے ٹماٹر کراچی ، پنڈی ، لاہور سمیت ملک کے مختلف منڈیوں میں فراہم کیے جا رہے ہیں۔