ایک دن کیلئے جیل میں کوک، پیپسی اور سیون اپ بند کردی گئی تو بہت مشکل ہوجائے گی
عمران کی سابق اہلیہ کاویڈیو بیان میں نواز شریف کی بیرون ملک روانگی پر ردعمل کا اظہار
لندن(مانیٹرنگ ڈیسک)وزیراعظم عمران خان کی سابق اہلیہ ریحام خان نے نواز شریف کی بیرون ملک روانگی پر اپنے ردعمل میں کہا ہے کہ شریف فیملی نے تو بہت کچھ برداشت کیا ہے جبکہ سربراہ تحریک انصاف ایک دن بھی جیل میں نہیں گزار سکتے۔ایک ویڈیو بیان میں ریحام خان نے تحریک انصاف کے کارکنوں کو مخاطب کرتے ہوئے کہا جیل میں موجود نواز شریف کی صاحبزادی مریم نواز کی ڈائٹ کولڈ ڈرنک(شوگر فری مشروب) بند کر دی گئی جبکہ اگر ایک دن کیلئے جیل میں آپ کے لیڈر کی کوک، پیپسی اور سیون اپ بند کردی گئی تو بہت مشکل ہوجائے گی۔ان کا کہنا تھا کل کو اگر آپ کو ایک دن بھی جیل میں گزارنا پڑجائے تو وہاں کوئی کوک، پیپسی اور سیون اپ نہیں ملے گی۔ریحام خان کے مطابق آپ نے جن تھوڑے لوگوں کیساتھ ملکر قومی اسمبلی میں اکثریت بنائی ہوئی ہے وہ ابھی سے آپ کو آنکھیں دکھا رہے ہیں۔