اسلام آباد(مانیٹرنگ ڈیسک) چیف جسٹس آف پاکستان جسٹس آصف سعید کھوسہ سبکدوش ہوگئے۔جسٹس گلزار احمد نے چیف جسٹس آف پاکستان کے عہدے کا حلف اٹھالیا‘ تفصیلات کے مطابق چیف جسٹس آف پاکستان جسٹس آصف سعید کھوسہ سبکدوش ہوگئے، ان کی جگہ سپریم کورٹ کے سینئر ترین جج جسٹس گلزار احمد آج چیف جسٹس آف پاکستان کے عہدے کا حلف اٹھالیا‘ تقریب میں صدر مملکت ڈاکٹر عارف علوی اور وزیراعظم عمران خان سمیت کابینہ کے اراکین اور سینئر ترین جج صاحبان سمیت تینوں مسلح افواج کے سربراہان بھی موجود تھے۔ نئے چیف جسٹس جسٹس گلزار احمد سے صدر مملکت ڈاکٹر عارف علوی نے حلف لیا۔ جسٹس گلزار احمد حلف اٹھانے کے بعد پاکستان کے 27ویں چیف جسٹس بن گئے۔وہ اپنے عہدے پر 2سال ایک ماہ تک فائز رہیں گے۔