سرینگر( مانیٹرنگ ڈیسک) بھارت کے چیف آف ڈیفنس اسٹاف جنرل بپن راوت نے کہا ہے کہ مقبوضہ کشمیر میں پیلٹ گن کے استعمال سے ہونیوالے زخمیوں کا الزام بھارتی سیکورٹی فورسز پر عائد نہیں ہوتا کیوں کہ کشمیری نوجوانوں کا پتھرائو پیلٹ گن سے زیادہ خطرناک ہے۔ دی ہندو کی رپورٹ کے مطابق وزارت خارجہ اور آبزروریسرچ فائونڈیشن کے زیر اہتمام انسدادد ہشت گردی سے متعلق ایک پینل سے خطاب کرتے ہوئے انہوں نے کہا کہ پیلٹ گن غیر مہلک ہتھیار ہے جو اب بہت شاذ و نادر ہی استعمال ہوئی ہے۔