کراچی: قومی ایئر لائن کے افسران کوکروڑوں کی ادائیگیوں کا انکشاف ہوا ہے جب کہ 10 سالہ خصوصی آڈٹ رپورٹ میں ادائیگیوں کا انکشاف کیا گیا۔
رپورٹ کے مطابق 46 افسران کو بغیر کسی اسائنمنٹ کے 16 کروڑ 54 لاکھ سے زائد کی ادائیگیاں کی گئیں، بغیر کام تنخواہ لینے والے افسران پے گروپ 5 سے 10 اور ڈائریکٹرز کے اسپیشل گروپ سے تعلق رکھتے ہیں، قوانین کے مطابق ڈسپلنری کارروائی کو 30 یوم کے بجائے 4 سے 20 ماہ تک بھی مکمل نہیں کیا گیا۔
آڈیٹر کے مطابق 16 کروڑ 54 لاکھ 81 ہزار 4 سو 44 روپے کی ادائیگیاں ایئر لائن وسائل کا ضیاع ہے، رقم کی ادائیگیووں کے ذمہ دارایئر لائن افسران کا تعین کیا جائے۔