کراچی: اداکارہ مہوش حیات کا پاکستان سپر لیگ 2020ء کی افتتاحی تقریب میں پرفارمنس کے حوالے سے بیان سامنے آیا جس میں انہوں نے کہا ہے کہ وہ تقریب میں شرکت نہیں کر رہیں۔
کراچی میں 5 فروی کو پاکستان سپر لیگ سیزن 5 کا میلہ ایک بار پھر سجنے والا ہے۔ اس حوالے سے کراچی کے نیشنل اسٹیڈیم میں افتتاحی تقریب منعقد کی جائے گی۔ یہ خبریں زیر گردش ہیں کہ تقریب میں اداکارہ ماہرہ خان اور مہوش حیات اپنی پرفارمنس پیش کریں گی تاہم اب مہوش حیات کا اس حوالے سے بیان سامنے آیا ہے۔
مہوش حیات نے ٹویٹ میں کہا ہے کہ پی ایس ایل کی افتتاحی تقریب میں شرکت کے حوالے سے میڈیا پر چلنے والی خبروں کے برخلاف میں واضح کر دینا چاہتی ہوں کہ میں بدقسمتی سے اس سال کی تقریب میں نہ ہی کوئی گلوکاری کر رہی ہوں نہ ہی میں کوئی پرفارمنس دے رہی ہوں۔
Just to clarify, contrary to media reports I can confirm that unfortunately I will not be singing any songs or performing at the PSL opening ceremony this year. Thank you for all the love and lets all enjoy the feast of cricket that PSL will bring ! 🏏
— Mehwish Hayat TI (@MehwishHayat) February 3, 2020
مہوش حیات نے یہ بھی کہا کہ آپ سب کی محبت کا شکریہ، پی ایس ایل جو موقع فراہم کر رہا ہے اسے بھرپور انداز سے انجوائے کریں۔
یہ پڑھیں: پی ایس ایل 5 کا شائقین میں جوش وخروش بڑھنے لگا
واضح رہے کہ پی ایس ایل 5 کی افتتاحی تقریب 20 فروری کو کراچی کے نیشنل اسٹیڈیم میں منعقد کی جائے گی جب کہ آسٹریلیا، انگلینڈ اور جنوبی افریقا کے کھلاڑی ٹورنامنٹ سے تین روز قبل اپنی اپنی ٹیموں کو جوائن کریں گے۔ یہ پہلی بار ہے کہ پی ایس ایل کے تمام میچز پاکستان میں کھیلے جائیں گے۔